QvonYordam markazi

Qvon POS'ni Windows'ga o'rnatish

O'rnatuvchini yuklab olish, o'rnatish, kassani nuqtaga ulash va dasturni yangilash.

Windows uchun Qvon POS kassadagi monoblok, kompyuter yoki noutbukka mos. 64 bitli Windows 10 yoki 11 kerak.

O'rnatish

  1. 1Qvon POS Setup o'rnatuvchisini qvon.uz/download sahifasidan yuklab oling.
  2. 2Faylni ishga tushiring. Windows o'zgartirishlarga ruxsat so'raydi: administrator huquqli hisob kerak, dastur kompyuterning barcha foydalanuvchilari uchun Program Files'ga o'rnatiladi.
  3. 3O'rnatish tilini tanlang: o'zbek, rus yoki ingliz.
  4. 4Keraklisini belgilang: «Ish stolida yorliq yaratish» va «Windows ishga tushganda Qvon POS avtomatik ochilsin».
  5. 5«O'rnatish» ni, keyin «Tugatish» ni bosing: dastur o'zi ishga tushadi.

Avtomatik ishga tushirishni yoqilgan holda qoldirgan ma'qul: kassa smena o'rtasida qayta yuklansa, Qvon POS yorliqni qidirmasdan o'zi ochiladi.

Nuqtaga ulash

  1. 1Qvon Office kabinetida Hisob → Nuqtalar → «Qurilmani ulash» ni oching va «Kod yaratish» ni bosing. Kod 10 daqiqa amal qiladi.
  2. 2Kodni Qvon POS'dagi «Qurilmani ulash» ekraniga kiriting va «Ulash» ni bosing.
  3. 3O'z PIN kodingiz bilan kiring.

Kabinet yo'qmi? O'sha ekranda «Tashkilot yo'qmi? Ro'yxatdan o'tish» ni bosing.

Chek printeri

Qvon POS'da: Vositalar → «Chek printeri». Windows'ga o'rnatilgan USB printerni yoki IP orqali tarmoq printerini tanlash mumkin. Tekshirish uchun sinov chop etishni bosing.

Yangilanishlar

Yangi versiya chiqqanda Qvon POS bu haqda xabar ko'rsatadi. Yangilanish smena o'rtasida o'zi o'rnatilmaydi: qulay paytda uni bosing. Dastur o'rnatuvchini yuklab oladi, yopiladi va joyida yangilanadi, nuqtaga ulanish va sozlamalar saqlanib qoladi.

Qo'lda ham yangilash mumkin: qvon.uz/download sahifasidan o'rnatuvchini yuklab oling va o'rnatilgan versiya ustidan ishga tushiring. U eski versiyani almashtiradi, yoniga ikkinchisini qo'ymaydi.

Windows «Windows kompyuteringizni himoya qildi» deb yozsa

SmartScreen filtri hali kam odam yuklab olgan yangi dasturlarni shunday kutib oladi.

  1. 1Fayl qvon.uz saytidan yuklab olinganiga ishonch hosil qiling.
  2. 2«Batafsil» ni bosing.
  3. 3«Baribir ishga tushirish» ni bosing.

Fayl qvon.uz'dan olinmagan bo'lsa (messenjerdan, notanish odamning fleshkasidan), uni ishga tushirmang: o'rnatuvchini saytdan qaytadan yuklab oling. Ikkilansangiz, qo'llab-quvvatlash xizmatiga yozing, qarang: Qo'llab-quvvatlash bilan qanday bog'lanish mumkin.

O'chirish

Windows sozlamalari → Ilovalar → Qvon POS → «O'chirish». Menyu, buyurtmalar va hisobotlar kompyuterda emas, Qvon'da saqlanadi, shuning uchun qayta o'rnatgandan keyin qurilmani qayta ulash kifoya.

O'chirishdan oldin kassa onlayn ekanini tekshiring: internetsiz urilgan buyurtmalar serverga yetib borishi kerak.

Shu bo'limda yana

Javob topmadingizmi?

Bizga yozing, tushunishga yordam beramiz.

Qo'llab-quvvatlashga yozish